Meta në mbështetje të banorëve të Zall Gjocajt: Të ndalet masakra ekologjike! Prokuroria të hetojë

Presidenti Ilir Meta është shprehur në mbështetje të banorëve të Zall Gjocajt, të cilët protestuan kundër ndërtimit të një HEC-i në zonën e tyre.

Kreu i shtetit bëri thirrje që kjo masakër ekologjike të ndalet menjëherë, ndërsa i bën thirrje Prokurorisë që të hetojë abuzimet flagrante.

REAGIMI I METES

Mbështes plotësisht protestën e banorëve të Zall Gjocajt në mbrojtje të pasurive të çmuara natyrore të Parkut Kombëtar Lurë – Mali i Dejës dhe të burimeve ujore jetësore për këtë komunitet.

Të ndalet menjëherë kjo masakër ekologjike!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I bëj thirrje Prokurorisë të hetojë abuzimet flagrante në dhënien e lejeve të shfrytëzimit të këtyre pasurive kombëtare me vlera të jashtëzakonshme, në shkelje kriminale të ekuilibrave ekologjike dhe interesave të komunitetit.

Përgjegjësit duhet të dalin pa vonesë para ligjit!
25 Prilli, është referendum edhe për ndalimin e krimit mjedisor.