LIGJET E BIZNESIT
Deri ditën e nesërme aeroporti i Rinasit nuk do të ofrojë asnjë shërbim.
Mësohet se nuk do të ketë as ulje dhe as nisje të mjeteve ajrore deri më dt.8 prill, ora 10:00.
Njoftimi ka dalë nga Autoriteti Kombëtar i Fluturimeve.
Ky vendim vjen pas mosdakordësisë në takimin mes kontrollorëve dhe ministres së Transporteve Belinda Balluku.
Një ditë më parë, por edhe sot, kontrollorët ndërprenë punën në aeroport. Ata u shprehën se shkak u bënë 5 shkarkime nga puna, të papritura sipas tyre. Në këto kushte, kontrollorët e “Albcontrol” dolën në protestë duke ndërprerë punën dje dhe sot dhe kërkuan kthimin në punë të operatorëve të larguar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ministrja e Infrastrukturës zhvilloi një takim me ta, por mesa duket pa asnjë kompromis, duke vijuar ngërçin e krijuar në aeroport.
Vetë Aeroporti i Tiranës njoftoi më herët gjatë ditës se për shkak të situatës pati probleme me dy fluturime.
