Më në fund/ Ky është shteti i parë në botë që hap dyert për turistët e vaksinuar

Pas më shumë se një viti pandemi, Izraeli është tashmë shteti i parë në botë që lejon hyrjen e një pjese të turistëve në vend.

Ky vendim u mor pas uljes së ndjeshme të rasteve të të infektuarve, e cila ka ndodhur për shkak të fushatës së imunizimit.

Ndërkohë nga ana e Ministrisë së Shëndetësisë dhe ajo e Turizmit bëhet e ditur se data e lejimit të hyrjes së turistëve do të jetë 23 maji dhe të gjithë do të jenë të vaksinuar.

“Izraeli është vendi i parë që vaksinohet dhe populli i Izraelit është i pari që gëzohet për këtë rezultat. Pas hapjes së ekonomisë, është koha për të lejuar turizmin në një mënyrë të kujdesshme”, theksoi Ministria e Shëndetësisë.

Vetëm një muaj më parë , Izraeli filoi të hapte ekonominë e vendit pas vaksinimit masiv të qytetarëve ne mënyrë të suksesshme.