Maldivet po planifikojnë të ofrojnë vaksina për vizitorët

Maldivet po planifikojnë t’u ofrojnë mundësinë e vaksinimit vizitorëve.

Ministri i Turizmit bëri të ditur se do të fillojë një iniciativë të re “3V” që fton turistët të vaksinohen dhe të bëjnë pushime, shkruan The Indepedent.

Abdulla Mausoom u shpreh se, do të siguronte një mënyrë të përshtatshme për njerëzit për të pushuar në ishullin e njohur, duke marrë parasysh se ekonomia e vendit varet nga turizmi.

Ai nuk dha afat kohor për programin e vaksinimit gjatë mbërritjes, duke deklaruar se përparësia e parë e vendit ishte që popullsia të merrte të dyja dozat e vaksinës.

Mausoom shtoi më tej duke thënë se Agjencia e Mbrojtjes së Shëndetit të vendit shumë shpejt do të shpallte udhëtime pa kufizime për vizitorët që tashmë janë vaksinuar.