LIGJET E BIZNESIT
Pasi kryeministri Edi Rama e akuzoi presidentin Ilir Meta sot gjatë një takimi në njësinë 5 në Tiranë si autor të “skenarit destabilizues” me patronazhistët, ka ardhur dhe përgjigja ‘flakë për flakë’ e Kreut të Shtetit.
“Lidheni të Marrin shokë socialistë përpara se të ketë fatin e furgonit në Berat”, shkruan Meta dhe publikon një foto të autorit të plagosjes në Kavajë, Ndriçim Jonuzi, me kryebashkiakun socialist të Kavajës Redjan Krali.
“Pse Meta u tha tre banditëve të “Rilindjes” të hynin në zyrën elektorale të PD dhe të qëllonin me armë Sekretarin demokrat? Me kë janë në këtë foto këta të katërt? Me Metën apo me Kryebashkiakun e emëruar rilindas të Kavajës dhe shtabin e tij elektoral? Pse Meta e porositi Damjanin publikisht të përsërisë “tërmetin” e Dibrës në Vlorë? Pse Meta emëroi një ushtri patronazhistësh për të survejuar e shantazhuar 900 mijë qytetarë të Qarkut Tiranë? Kush e prishi Marrëveshjen e 5 Qershorit nga tmerri i zgjedhjeve të lira?”, vijon Meta.
Sa për ironinë e Ramës, që i kërkoi Metës të ikte në shtëpi sepse ishte President akoma, Ilir Meta i përgjigjet:
Bablok, shqiptarët e dine shumë mirë se ku kurdisesh ti për t’i përçarë shqiptarët në Shqipëri dhe rajon. Me qetësi dhe vendosmëri do e marrësh përgjigjen më 25 Prill nga të gjithë shqiptarët patriotë dhe europianë. Dhe në radhë të parë nga socialistët, që u shkatërrove çdo vlerë pozitive dhe njerëzore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Unë do shkoj në shtëpi kur ti të shkosh në psikiatri! Shqipëria e shqiptarëve! Shqipëria në Bashkimin Europian! Pas 25 Prillit kjo rrugë nuk ndalet më asnjë sekondë!
