LIGJET E BIZNESIT
Mbrëmjen e djeshme kryetarja e Lëvizjes Socialiste për Integrim Monika Kryemadhi ka folur në lidhje me djegien e mandateve në vitin 2017.
Ky vendim është kritikuar gjithmonë nga bashkëshorti i saj, njëkohësisht president i Republikës, Ilir Meta.
Në programin “Opinion” u transmetua video kur Kreu i Shtetit u shpreh se Kryemadhi e kishte gënjyer për djegien e mandateve.
Ndërkohë kjo e fundit e pranoi se kishte gabuar dhe shtoi se Meta ka të drejtë të ulërasë për atë veprim.
Sipas saj, ajo dhe presidenti nuk kanë për ta falur njëri-tjetrin deri në vdekje, madje do ta vazhdojnë këtë diskutim edhe në botën tjetër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Fevziu: Kur gënjeni burrin, çfarë sigurie kanë shqiptarët që nuk do i gënjeni edhe ata?
Kryemadhi: Kam qenë vetëm unë që kam dashur të djeg mandatin. Kur kam dalë nga zyra e Bashës i kam thënë që do e djeg vetëm unë, jo grupi parlamentar. Kur kam dalë i kam thënë Metës, “Ilir po të njoftoj se jemi në këtë proces. Jam takuar me Klajdën në Bllok, erdhi edhe zoti Vasili dhe kemi diskutuar. Këta më thanë “do e djegim dhe ne”, por unë i thashë jo. Kur bëmë mbledhjen e grupit parlamentar, këta ishin të gjithë në unanimitet për të djegur mandatin.
Zoti Meta ka të drejtë të ulërasë. Nuk kemi për ta falur njëri-tjetrin deri në vdekje, edhe në botën tjetër do ta vazhdojmë të njëjtin debat.
