“Kot jargavitet te dera e PD” Basha zbulon arsyen se përse nuk do bëjë kurrë aleancë me Ramën

Kryetari i PD Lulzim Basha i është përgjigjur sërish kryeministrit Edi Rama i cili e ftoi për bashkëpunim.

“Kot ‘jargavitesh’ në derën e PD” , u shpreh lideri demokrat sot gjatë një takimi me qytetarët në njësinë 9 në Tiranë.

Basha tha se ai nuk do të bëjë kurrë një koalicion me Ramën, sepse shqiptarët duan ndryshim.

“Ndaj kot jargavitet tek dera e PD, se nuk ka dhe nuk mund të ketë kurrë bashkëqeverisje me Edi Ramën. Tani ka vetëm një dhe vetëm një vullnet. Ndryshim. Shqiptarët duan ndryshim. Vjen duke votuar numrin 9. Vota për Aleancën për Ndryshim është garancia për të ardhmen e fëmijëve tuaj. Bëhet për qytetarët dhe ju keni në dorë të ardhmen tuaj”, ka thënë Basha.