LIGJET E BIZNESIT
Pas vizitës në Vlorë, ambasadorja e SHBA në vendin tonë Yuri Kim ka qenë sot në Fier.
Aty ajo është takuar me të rinj që më 25 prill do të votojnë për herë të parë.
Kim iu është përgjigjur dhe aludimeve se kur tha që “votoni ndryshimin”, u interpretua sikur bëri thirrje që të votohej Partia Demokratike.
Ajo tha se është njeri i drejtpërdrejtë dhe se nuk flet me mesazhe të fshehura, por nëse do donte që shqiptarët të mbështesnin një parti, do e thoshte hapur.
Yuri Kim: Është pjesë e përpjekjeve të mia që të shikoj sa më shumë nga Shqipëria veçanërisht duke pasur parasysh se jemi para zgjedhjeve të 25 prilli. Unë jam një person shumë i drejtpërdrejt dhe ju siguroj që nëse do të doja që ju të votonit për dikë do ua thosha, dhe jo një mesazh të fshehur. SHBA-të nuk mbështesin një parti apo një kandidat të caktuar politik, e vetmja gjë që mbështesim është e drejta e popullit shqiptar që të shprehë vullnetin e tij përmes votës.
Paralajmërojmë kundër kujtdo që duan ta mohojnë këtë të drejtë duke e blerë apo duke e shitur votën. Kjo është shumë e rëndësishme që votuesit ta mbajnë mend që ata kanë fuqinë por dhe përgjegjësinë. Jam e frymëzuar sot, sepse në Vlorë jam takuar me drejtuesit e shoqërisë civile aty, në një demokraci shoqëria civile ka një rol jetik. Sot ne Fier u takova me votues që do të votojnë për herë të parë dhe jam e surprizuar se si ata janë kq të informuar dhe të qartë për të drejtat e tyre.
Ne nuk folëm për cilin do të votonin, por diskutuam se çfarë mendonin ata dhe se si do të votonin. Ndihem besimplotë se demokracia shqiptare është në drejtimin e duhur dhe njerëzit e rinj të tillë do mund ta ndihmojnë Shqipërinë.
