LIGJET E BIZNESIT
Ish-ministrja Klajda Gjosha, nga radhët e LSI thotë se e ka njohur bashkëshortin në moshën 15-vjeçare në vitin e parë gjimnaz. Dashuri e cila mesaduket i ka rezistuar jo vetëm kohës por edhe largësisë, pasi siç Klajda rrëfeu gjatë kohës që ajo studionte në Angli, bashkëshorti i saj ishte me studime në Itali.
E pyetur nga Ola në News 24 nëse bashkëshorti i saj është një shok i ngushtë që e mbështet atë edhe në politikë, ajo tha se pa të nuk do të kishte mundur të vazhdonte asnjë ditë.
“Të kesh familje dhe të jesh në politikë është shumë e vështirë, nëse nuk ke një njeri që të kupton në orët e gjata të punës, të largimit nga shtëpia, të pamundësisë për t’u ndodhur fëmijëve në momente të vështira. Unë i kam lënë fëmijët edhe kur kanë qenë me 40 temperaturë, për arsye se kam qenë në fushatë dhe ka qenë e pamundur të qëndroja pranë tyre. Për mua është njeriu i jetës, është miku im më i mirë fillon nga këtu e vazhdon me pjesën e zemrës”, rrëfeu ish-ministrja e Integrimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
