“Ja pse u ktheva nga emigracioni” Rama kthehet pas në kohë, tregon arsyen që pak veta e dinë

Ditën e sotme kryeministri Edi Rama ndodhej në Cërrik, nga ku ka vendosur të bëjë dhe një rrëfim disi ndryshe.

Ai tregoi ndër të tjera dhe arsyen se përse është kthyer nga emigracioni.

Sipas tij nuk ka qenë kurrë dëshira për pushtet ajo që e ka sjellë në Shqipëri.

Por Rama u shpreh se ka qenë bindja se maja ku vendi ynë duhet të ngjitet, e cila është e arritshme.

“Mua nga emigracioni nuk më ka sjellë ndonjë nevojë që të gjejë punë si ministër, s’më ka futur në politik halli se s’dija të bëja punë të tjera, nuk ishte pasioni im i parë, po mua më ktheu nga emigracioni bindja se maja ku Shqipëria duhet të ngjitet është e arritshme dhe se nëse shqiptarët arrijnë të rezistojnë kur ndjejnë lodhje, arrijnë të besojnë kur janë të mërzitur, të durojnë, kur ndjejnë kundërshti ajo majë jo vetëm është e arritshme, por ne mund dhe do ta arrijmë, Shqipëria mund dhe do të bëhet kampionë e krejt Ballkanit, në digjitalizimin, turizëm, agroturizëm, duhet punë e durim e kohë.

Ato që komentojnë nga Belgjika, Austria, nuk duhet ta harrojnë se atje nuk vidheshin dritat para disa vitesh, nuk ishin të bllokuara kanalet vaditëse, nuk vidhej uji, nuk ishin gjykatës e prokuror shitësa të drejtësisë, ato janë bërë me dekada, ne nuk kemi nevojë për shekuj, sot teknologjia, shpejtësia e lëvizjes është ndryshuar, ne na duhet vetëm kjo dekadë ku kemi hyrë dhe të mos kthehemi pasi dhe të pendohemi. Ne mund ta bëjmë Shqipërinë gur të rëndë në vendin e vend, prandaj 25 prilli nuk është vetëm personale, por shumë më tepër se kaq”, tha Rama.