Humbi jetën mes flakëve për të shpëtuar kolegët/ Kjo është rruga në Tiranë që do marrë emrin e heroit Arian Sala

Një rrugë e re në Tiranë do të mbajë emrin e heroit Arjan Sala.

Ajo ndodhet në zonën pranë Spitalit Ushtarak në Laprakë.

Kujtojmë se i riu humbi jetën në moshë tepër të re për të shpëtuar jetën e 25 kolegëve pasi një qendër tregtare në periferi të kryeqytetit u përfshi nga flakët.

Ndërkohë kryetari i Bashkisë së Tiranës Erion Veliaj mirëpriti në zyrën e tij familjarë të Dëshmorit të Atdheut, Arjan Sala, të cilëve u dorëzoi në mënyrë simbolike një kopje të tabelës së rrugës që do mbajë emrin e të ndjerit.

“Unë e di që për ty, ai është drita e syrit dhe djali por për pjesën më të madhe të shqiptarëve është një hero dhe ke lindur e rritur një hero dhe një djalë të respektueshëm, ndaj dua ta kujtojmë si të tillë, si një hero të qytetit. Ai nuk është vetëm djali i familjes, por është një hero që në qytet u sigurua që 20 nëna të tjera të mos visheshin me të zeza, 20 prindër të shkonin në shtëpi, duke dhënë jetën e vet”, me këto fjalë iu drejtua Veliaj babait të Arjan Salës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I prekur, Fadili, babai i Arjanit falënderoi kryebashkiakun për lehtësimin e dhimbjes: “Ju falënderoj shumë nga zemra, edhe në emër të familjes, që keni bërë për mua dhe na keni lehtësuar dhimbjen me këto që thoni. Ju falënderoj shumë nga zemra!”