Hajdarmataj e thotë hapur: Në Shkodër do ndodhë një tjetër ekzekutim, çështja e Pllanaj nuk mbyllet me bisedime!

Ish-drejtuesi i Policisë së Shtetit Arben Hajdarmataj ka paralajmëruar një tjetër vrasje.

I ftuar në “Opinion”, Hajdarmataj tha se nuk do të ulen armët pas vrasjes së Bardhok Pllanajt në Shkodër.

Hajdarmataj tha më tej se ngjarje të tilla si vrasja e Pllanajt, nuk mbyllen me bisedime, por vetëm me një tjetër vrasje.

“Nuk mbyllet kjo. Nuk mbyllet me bisedime një vrasje e tillë, kështu që policia duhet të jetë e mirëorganizuar, e mirëpërgatitur. Normal, do ndodhë një tjetër vrasje. krime të tilla nuk mbyllen me bisedime, krime si vrasja e Pllanajt, dhe normalisht nëse kanë qenë vrasës me pagesë dhe janë urdhëruar nga një tjetër, dihet kush është tjetri,”- tha Hajdarmataj.