Gjykata la në burg 2 prej tyre, kontrollorët apelojnë vendimin: Duam masë më të butë

Tre kontrollorët e arrestuar një javë më parë, të akuzuar si organizatorë të protestës që solli edhe bllokimin e fluturimeve në aeroportin e Rinasit, kanë apeluar vendimin e Shkallës së Parë të dhënë ndaj tyre.

Nëpërmjet avokatit mbrojtës, kontrollorët kanë depozituar sot kërkesën për masë më të zbutur sigurie. Para një jave gjykata e Tiranës caktoi masën “arrest me burg” ndaj kontrollorëve Armando Fezgën dhe Muhin Mezinin , ndërsa Flora Ndreca u la në “arrest shtëpie”.

Ndaj tyre është ngritur akuza e shpërdorimit të detyrës në bashkëpunim. Si provë kryesore ndaj tyre prokuroria ka përgjimet telefonike. Referuar dosjes hetimore janë zbardhur të gjitha komunikimet që kontrollorët kanë kryer me njëri-tjetrin në Whatsup.

Grupi hetimor në bazë të bisedave ka arritur të provojë se Flora Ndreca, Armando Fezga dhe Muhin Mezini kanë ndikuar tek kontollorët që të plotësojnë formularin për paaftësi të përkohëshme në punë. Në disa raste prokuroria shprehet se të dyshuarit e kanë plotësuar formularin e paaftësisë edhe për kolegtë e tyre ndërsa me ata që kanë kundërshtuar kanë bërë debate derisa i kanë bindur për të firmosur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern