“Gati për fluturimin e pasagjerëve VIP”/ Rama nxjerr pamjet nga aeroporti i Kukësit

Kreu i qeverisë Edi Rama ka publikuar ditën e sotme një video nga aeroporti i Kukësit, që  është gati për të nisur fluturimet.

Nëpërmjet një postimi në ‘Facebook’ kreu i qeverisë thekson se “✈️Kukës – Aeroporti Ndërkombëtar “Zayed – Flatrat e Veriut”, gati për fluturimin e parë me pasagjerët VIP, çunat çamarrokë të fejsbukut nga Londra???.

Ndërkohë, ministrja Balluku u shpreh se aeroporti është gati. Ajo tregoi se destinacionet e para do të jenë disa qytete të Zvicrës dhe në disa lande të Gjermanisë.

“Nuk është paguar biletë, është një udhëtim promocional që mundësohet nga ana e kompanisë flamurmbajtëse. Këtu vazhdon që të punohet, po bëhet kontrolli i fundit i territorit, për të rakorduar çdo detaj, i cili është në funksion të një pune me kapacitet të plotë. Destinacionet e para janë disa qytete të Zvicrës dhe shtete të Gjermanisë, dhe tregun më të rëndësishëm që kanë kompanitë shqiptare, qytetet italiane”, tha Balluku.