LIGJET E BIZNESIT
Detaje të reja janë zbuluar në lidhje me sasinë e konsiderueshme të lëndës narkotike të kapur në portin e Durrësit.
Burime për Top Channel bëjnë me dije se u kapën 200 kg kokainë, nga të cilat rreth 100 kg ishin fshehur në tavanin e kontenierit me ngarkesë bananesh. Teksa vijon numërimi i pakove, në disa prej tyre shkruhet “Viejon”. Në port, janë parë policia e Durrësit, autoritetet portale dhe antikontrabanda.
Konteineri i mbushur me lëndë narkotike dyshohet se vinte nga Ekuadori. Kontenieri i përket disa personave nga Tirana, emri i të cilëve është i padëgjuar më parë për përfshirje në ndonjë vepër kriminale.
Konteineri ku u gjet droga është shkarkuar nga anija e konteinerëve ”Dance”, anije me flamur portugez që vinte në Durrës pas ndalesës në portin grek të Pireut. Anija është ankoruar paraditen e sotme në portin e Durrësit dhe nga kontrolli në njërin prej kontenierëve me ngarkesë bananesh të shkarkuar prej saj, u zbulua ngarkesa e paligjshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
