LIGJET E BIZNESIT
Në takimin që pati sot në njësinë 5 në Tiranë, kryeministri Edi Rama është shprehur se ligji i parë që do të miratojë forca politike që përfaqëson, është ai i quajtur “Fëmijët e Republikës”.
Bëhet fjalë për fëmijët që kanë humbur njërin prind për shkak të detyrës apo shërbimit të madh ndaj të tjerëve.
“Ligji i parë që do kalojë mazhoranca e re socialiste është ligji për fëmijët e Republikës. Fëmijët e Republikës janë të gjithë ata të cilët kanë humbur prindërit babain, ose nënën për shkak të detyrës apo për shkak të një shërbimi të madh ndaj të tjerëve. Erioni përmendi Arjanin, babain që ende pa mbushur të 30 la pas një fëmijë të vogël.
Ai është fëmijë i Republikës dhe Republika duhet dhe do të kujdeset posaçërisht për këta fëmijë. Ne kemi bërë sa kemi mundur për fëmijët e policëve të vrarë në krye të detyrës, për fëmijët e ushtarakëve që kanë humbur jetën, por është koha që këyre fëmijëve ne tu japim një status të veçantë dhe është koha që çdo shumicë qeverisëse na ta ngarkojmë me barrën e prindërit për fëmiëjt e Republikës.
Prindërit nuk mund tua kthejmë dot, po për ta ne do të kujdesemi nga momenti i parë i humbjes së prindit derisa të dalin në jetë për tu dhënë të gjithë mundësinë e shkollimit edukimit dhe të një jete ku të jene krenar për prindërit e tyre jo thjesht për gjestin, por prindi i tyre humbi jetën për një Republikë që ia vlen sakrificën e kujtdo. Për një shoqëri e cila nuk harron të nesërmen e ceremonisë funerale, e lere pastaj të kujtohet për të dhënë dekorarat pas vdekjes që si duhet dreqit”, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
