“Është shqetësim për zgjedhjet” Rama zbulon partinë që ble vota: Dihet ça aktiviteti bëjnë

Kryeministri Edi Rama ka folur sot në mbrëmje për fenomenin e shitblerjes së votës në prag të zgjedhjeve në Shqipëri.

Sipas tij, i vetmi shqetësim për zgjedhjet e 25 prillit është fenomeni i blerjes së votës nga Lëvizja Socialiste për Integim.

“Shqetësim, lidhur me zgjedhjet, nuk shoh si proces, është ai shqetesimi i zakonshëm se çfarë do të bëjnë ata që bubrojnë në ditët e fundit për hesap të LSI, dhe dihet se ça aktiviteti zhvillojnë. Por përtej kësaj, nuk shoh ndonjë problem”, u shpreh kryeministri Rama.

Megjithatë, sipas tij, fenomeni i shitblerjes së votës në vend po zvogëlohet dhe partitë e mëdha nuk e bazojnë rezultatin tek shitblerja e votës. “Shitblerja e votës po shkon në zvogëlim nga zgjedhje në zgjedhje. Sa më shumë zvogëlohet LSI-ja, aq më shumë zvogëlohet edhe shitblerja”, theksoi kryeministri Rama në “Përballë”.

Ai komentoi gjithashtu edhe programin e Partisë Demokratike që, sipas tij, “është i parealizueshëm”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Është program absurd, është njësoj si programi i Rapush Xhaferrit”- tha Rama.