“Erdha nga Gjermania për të bërë ndryshimin” Basha takon emigrantin e kthyer për zgjedhje, ja biseda

Gjatë një takimi që zhvilloi sot në njësinë nr.2 në Tiranë, kryetari i Partisë Demokratike premtoi se do të mundësojë votën e emigrantëve në mënyrë elektronike kur të vijë në qeveri.

Ndër të tjera ai akuzoi mazhorancën se pamundësoi me hile votën e emigrantëve.

Një prej qytetarëve i tha Bashës se kishte ardhur nga Gjermania përta votuar, teksa lideri demokrat siguroi se së shpejti emigrantët dhe shqiptarët e diasporës do të mund të votojnë në mënyrë elektronike.

Lulzim Basha: Mirë se ju gjej!

Qytetari: Nga Gjermania apostafat me bë ndryshimin.

Lulzim Basha: Të lumtë goja! Kur ke ardhur?

Qytetari: Ka 3 ditë.

Lulzim Basha: Shumë mirë! Sa më shumë të kthehen, se kësaj radhe e bën me hile e pamundësuan votën e emigrantëve. Dhe unë sot po të them ty dhe çdo emigranti shqiptarë, qeveria jonë do bëjë realitet. Me votimin elektronik, çdo shqiptarë do mund të votojë, përfshirë të gjithë shqiptarët e diasporës. Të gjithë bashkë më 25, numrin 9.