EPIKE/ Njihuni me zgjidhjen gjeniale të dyqaneve të bukës në Fier për të bindur gratë të votojnë

Vetëm 12 ditë na ndajnë nga zgjedhjet elektorale të 25 prillit.

Ftesa që qytetarët të japin votën e tyre mesa duket nuk është mjaftuar vetëm me spotet elektorale në media, thirrjet publike apo posterat në rrugët e qytetit.

Por edhe qeset e bukës janë bërë një formë për ti bërë apel femrave të votojnë.

Kjo mënyrë e veçantë dhe e padëgjuar më parë në vendin tonë është parë në furrat e bukës në Fier të cilat kanë stampuar në qeset e bukës shprehje që bëjnë thirrje për fuqizimin e votës së femrës.

Disa nga shkrimet janë: “Vota jote vlen po aq sa punët e shtëpisë”, “Fjalët i merr era, votën tënde jo”, “Gratë punojnë gratë votojnë”, “Vota e një gruaje rimodelon shoqërinë”.