LIGJET E BIZNESIT
Një lajm i trishtë vjen së fundmi nga një prej shefave më të mirë të kuzhinës shqiptare.
Bëhet fjalë për Përparim Babalijan, i cili u nda nga jeta sot në mëngjes për shkak të C OVID19.
“Një djalë që ka kontribuar në ringritjen e gastronomisë shqiptare dhe që e ka promovuar Kosovën më shumë se askush tjetër. Të qoftë dheu I lehtë koleg”, shkruan në faqen e vet në shenjë homazhi Altin Prenga, një tjetër shef i njohur shqiptar.
Babalija ishte një nga shefat më të spikatur që ka promovuar fuqishëm kulinarinë e Shqipërisë.
Para se të ndërronte jetë, ai me anë të një reagimi në rrjetet sociale kishte kërkuar që të vaksinohet populli e t’i lënë anash ‘lojërat’ politike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përparim Babalija, ka lindur në qytetin e Gjakovës, në Kosovë. Sic ka treguar nëpër intervista frymëzimi I tij ka qenë gjyshi Isa dhe babai Valdeti.
Ai u kualifikua më pas në Francë dhe Poloni dhe solli në Shqipëri e Kosovë eksperiencën evropiane, duke kombinuar ushqimin evropian me atë tradicional të Kosovës.
Dy vite më parë ai ishte pjesmarrës në organizimin “Shije shqiptare” që u bë në Tiranë e më pas edhe në Kosovë, ku shefat më në zë të Kuzhinës shqiptare gatuan pjatat tradicionale të trevave nga ata vijnë.
Për vdekjen e Përparim Babalija ka reaguar edhe Ismet Shehu, i cili deklaron se ka ngelur i shokuar për ndarjen e parakohëshme të mikut të tij, dhe se do mbetet i paharruar kujtimi dhe kontributi që ai ka dhënë në kuzhinë.
