LIGJET E BIZNESIT
Deri më tani qeveria shqiptare ka arritur të vaksinojë me dozën e parë të vaksinës kineze “Sinovac” mbi 160 mijë të moshuar mbi 70 vjeç.
Gjithashtu pas tyre u premtua se do të bëjnë injeksionin personat mbi 60 vjeç dhe të sëmurët kronikë.
Ndërkohë në lidhje me këtë, ka folur dhe epidemiologu i njohur Ilir Alimehmeti, i cili analizoi zhvillimet më të fundit në Kinë ku sipas tij vaksina Sinovac ka marrë lirësimin për t’u aplikuar në moshat poshtë 60 vjeç ndërsa shteti komunist po heton ende efektet mbi këtë moshë. Ai shtoi se vetë Kina prodhuesi i vaksinës nuk është bindur ende për të licencuar përdorimin e gjerë të saj mbi moshën 60 vjeç.
Nisja e vaksinimit masiv me vaksinën kineze Sinovac ka hasur skepticizmin e një pjese të popullatës dhe opozitës e cila tha se vaksina do të duhej të certifikohej nga institucionet ndërkombëtare. Dyshimet u ngritën pas raportimit në media të dy jetëve të humbura, 88 dhe 73 vjeç pak ditë pas kryerjes së vaksinës.
Qeveria e mohoi lidhjen shkak pasojë midis vaksinës dhe humbjes së jetëve edhe pse asnjë nga rastet nuk iu nënshtrua autopsisë. Ende nuk ka asnjë informacion se kur vaksinat kineze përfshirë Sinovac do të marrin certifikimin nga organizatat ndërkombëtare të barnave si FDA dhe EMA. Alimehmeti tha se asnjë nga kompanitë kineze nuk kanë depozituar dosjen pranë agjencive ndërkombëtare të barnave si FDA dhe EMA. Ndaj dhe sipas tij ka pak gjasa që licencimi i tyre të ndodh brenda 2021.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por përdorimi i vaksinës kineze ka ngritur edhe një pikëpyetje të madhe nëse personat e vaksinuar me të do të kenë ose jo të drejtë për të lëvizur lirisht në Europë, Amerikë a më gjerë? Eksperti u shpreh se pasaporta vaksinale është e pamundur pasi nuk mund të vaksinohen gjithë shtetasit europian brenda vitit 2021.
Sipas tij diskutimet për po ose jo ndaj pasaportës vaksinale janë debate burokratike jo nevojë shëndetësore. “Pasaporta vaksinale është një gjë e pamundur edhe për vetë Union Europian. E para, se jo të gjithë shtetasit europian do të mund të vaksinohen brenda vitit 2021 për shkak të sasisë së limituar të vaksinave. E dyta: Nga vaksinimi përjashtohen moshat poshtë 18 vjeç që sërish do të privohen nga lëvizja e lirë.
Diskutimi ‘Po’ ose ‘Jo’ pasaportës së vaksinës që ka nisur në BE është më shumë një debat burokratik sesa një nevojë shëndetësore dhe si e tillë pak gjasa ka të ndodh”, tha Alimehmeti.
