LIGJET E BIZNESIT
Pas disa seancash gjyqësore ku ka preferuar të mbrohet vetëm nga avokati, ish-kryeprokurori Adriatik Llalla është shfaqur sot në seancën gjyqësore të Gjykatës së Posaçme.
Kjo trupë e gjyqtarëve ka pranuar kërkesën e Llallës, duke pranuar revokimin e masës për gjykim të shkurtuar. Kjo do të thotë që Llalla do të fitojë më tepër kohë në procesin e nisur ndaj tij.
Në fund të seancës, Adriatik Llalla ka thënë se “Do ta ndjekë çështjen deri në fund, dhe se do të jetë prezent për të ndjekur vetë seancat”.
GJKKO ka vendosur që seanca e radhës ndaj ish-kryeprokurorit Llalla të mbahet më 20 prill, në orën 09:00.
Ai ndodhej në seancë me avokatin e tij, ku paraqitën mbrojtjen. Prokuroria e Posaçme Kundër Korrupsionit dhe Krimit të Organizuar ka kërkuar 2 vite burg për ish-kryeprokurorin, i cili akuzohet për veprën penale të “deklarimit të rremë të pasurisë”.
Pas seancës, Llalla ka dhënë edhe një mesazh pas vendimit të GJKKO-së.
“Kam vendosur për ta ndjekur çështjen deri në fund, për ta ndjekur vetë atë”, deklaroi ish-kryeprokurori.
