Debati për të dhënat personale/ Drejtoresha e AKSHI-t:Asnjë e dhënë nuk ruhet dot në e-Albania! 

Drejtoresha e Agjencisë Kombëtare të Shoqërisë së Informacionit, Linda Karçanaj ka reaguar lidhur me debatin e vjedhjes së të dhënave që është krijuar prej ditësh në vend.

“Të dhënat e qytetarëve shqiptarë që marrin shërbime online përmes portalit unik qeveritar e-Albania nuk ruhen dhe as nuk janë ruajtur ndonjëherë, as nga AKSHI e as nga e-Albania. Përveç ndalimit nga legjislacioni në fuqi, nuk ekziston asnjë mundësi teknike që këto të dhënat të përdoren e keqpërdoren, kur as nuk ruhen dot”, u shpreh ajo.