“Çdo person i dyshimtë do ta pësojë” Nuk përmbahet Xhelal Mziu, paralajmëron blerjen e votave

Dy ditë para zgjedhjeve të 25 prillit, vijon të ndihet tensioni mes palëve politike.

Kjo situatë ka sjellë dhe reagimin e kandidatit të PD për deputet Xhelal Mziu.

Ky i fundit ka bërë një deklaratë shumë të fortë, duke marrë shkas nga ngjarja dje në Maqellarë, ku u ndalua një makinë brenda së cilës kishte para që dyshohet se do shpërndaheshin në këmbim të votës.

Kështu, gjatë një takimi elektoral Mziu u ka bërë thirrje qytetarëve që të njoftojnë të gjitha rastet e blerjes së votës dhe paralajmëron fundin pë rata që tentojnë të korruptojnë.

“Kemi ngritur grupet e gatshme. Nga sot e në vazhdim, çdo person i dyshimtë që lëviz në lagjet tuaja, mjafton një telefonatë dhe ai do ta pësojë njësoj si ai i Elbasanit”, kështu deklaroi para qytetarëve Mziu.