BKH drejt ngritjes, ambasada e SHBA: Mbështesim ata që do të luftojnë korrupsionin

Ambasada Amerikane në Tiranë uron 28 kandidatët e çertifikuar, që përfunduan me sukses procesin e aplikimit për Byronë Kombëtare të Hetimit.

Në një mesazh në “Facebook”, ambasada e SHBA thekson se do të vazhdojë të mbështesë SPAK-un dhe të gjithë ata që i përgjigjen thirrjes së detyrës për të luftuar korrupsionin dhe krimin e organizuar.

“Urime dhe fat të mbarë burrave dhe grave që përfunduan me sukses procesin rigoroz të aplikimit dhe tani do të fillojnë trajnimin për Byronë Kombëtare të Hetimit. Shtetet e Bashkuara të Amerikës do të vazhdojnë të mbështesin SPAK-un dhe ata që i përgjigjen thirrjes së detyrës për të luftuar korrupsionin dhe krimin e organizuar në emër të popullit shqiptar. Presim së shpejti një thirrje tjetër për hetues të BKH-së, për të forcuar më tej këtë institucion të ri!”, thuhet në mesazhin e ambasadës së SHBA.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern