LIGJET E BIZNESIT
Ka ardhur dhe reagimi i parë i kryeministrit Edi Rama pas vendimit të marrë nga Gjykata Ndërkombëtare e Arbitrazhit ku thuhet se Shqipëria duhet ti paguajë 110 milionë euro biznesmenit italian Francesco Becchetti.
Kreu i qeverisë e konsideron si të padrejtë këtë vendim, dhe sipërmarrësin e cilëson si një individ që kërkohet nga drejtësia shqiptare.
Gjithashtu Rama i është përgjigjur dhe presidentit Ilir Meta dhe Partisë Demokratike që fajësuan kryeministrin për humbjen e këtij gjyqi.
“Gëzimi i Ilir Metës dhe i Lulepartisë për vendimin e padrejtë të arbitrazhit në favor të një individi që kërkohet nga drejtësia shqiptare është sa i neveritshëm, aq dhe i parakohshëm! Shqipëria ka fituar 3 nga 4 gjyqet ndërkombëtare ndaj këtij marifetçiu dhe beteja vazhdon!
Gëzimi sharlatanesk i Presidentit mendjehumbur dhe i partisë që për pushtet po infekton përditë shqiptarët, do të zgjasë pak dhe ata do të humbasin, jo Shqipëria! E cila siç po fiton mbi Armikun e Padukshëm, do të fitojë edhe mbi Marifetçiun e Paskrupullt!”- shkruan Rama në reagimin e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
