Basha: Rama s’vjen në debat, po merret me flokët dhe si fus unë këmishën në pantallona

Kreu i PD Lulzim Basha tha se socialistët nuk kanë programe konkrete pune dhe merren me opozitën, ndërsa vetë Rama është bërë si satelit i kryedemokratit.

Basha tha se kryesocialisti Rama merret me pamjen e tij dhe me mënyrën se si ai e fut këmishën në pantallona.

“Është kthyetr në satelitin tim. Merret me fjalimet e mia, merret me veshjen time, si e fus unë këmishën në pantallona, merret me flokët vetëm që të mos i kthejë përgjigje pyetjes: çfarë bërë për shqiptarët. Në 25 prill shqiptarët do të votojnë për një kryeministër që do të jetë në shërbim të tyre. Ku i ke 300 mijë vende pune? Janë të gjitha premtime bishe. U kujtua për projektet 3D tre javët e fundit para se ta largojnë shqiptarët me votë, janë marifete,” –tha Basha në Open.