143 kg ko kainë në portin e Durrësit, lihen në burg dy administratorët

Klajdi Xibraku dhe Erion Peti, dy administratorët e kompanisë që kishte porositur banane nga Ekuadori, janë lënë në arrest me burg.

Ata u paraqitën sot para gjykatës nën masa të rrepta sigurie dhe akuzohen për trafik droge pasi në kontenierin ku kishte ngarkesë bananesh, u sekuestruan 143 kg kokainë.

Klajdi Xibraku, i veshur me xhup të kuq, Xibraku u përfaqësua nga avokati Drilon Cani dhe Erion Peti u përfaqësua nga avokati Elton Hyseni, ndërsa gjyqtare e çështjes ishte Eda Kaja. Organi i akuzës kishte kërkuar arrest me burg për të dy administratorët.

Të dy janë me arsim të lartë dhe nuk rezultojnë të dënuar më parë. Xibraku është i fejuar, ndërsa Peti është i martuar dhe ka tre fëmijë.

Ata kanë mohuar që të kenë lidhje me kokainën e fshehur në kontenierin me banane që do të shkarkohej në kompaninë e tyre, në Kombinat në Tiranë. Megjithatë, hetimet e kryera nga SPAK dhe prokuroria e Durrësit, çuan në arrestimin e kushërinjve, Xibraku dhe Peti. Policia ka pasur informacion më herët që në një kontenier që ishte nisur nga porti i Guajakilit në Ekuador, fshihej kokaina./tch

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern