LIGJET E BIZNESIT
Këngëtarja Eneda Tarifa ka vendosur që ti bashkohet Partisë Socialiste në këtë prag zgjedhjesh të 25 prillit.
Së bashku me kryetarin e Bashkisë Tiranë Erion Veliaj, zhvilluan sot një bashkëbisedim me një grup të rinjsh të njësisë 1 në kryeqytet.
Artistja zbuloi për herë të parë arsyen se përse beson se forca politike me të cilën është bashkaur është zgjedhja dhe drejtimi i duhur jo vetëm për një artist, grua dhe një nënë të re, por për këdo që kërkon që vendi të ecë përpara.
“Kur kam votuar për here të parë, kam patur një emocion të jashtëzakonshëm. Më dukej sikur dola në jetë dhe do t’i zgjidhja problemet vetë. Të votosh është sigurisht një nga gjërat kryesore, por të mendosh se për kë do të votosh është edhe më e rëndësishme. Me zhvillimet që kanë ndodhur gjatë këtyre viteve, duke marrë parasysh që jam edhe këngëtare, artiste, por edhe nënë sigurisht, mendohem edhe për të ardhmen e vajzës sime dhe të fëmijëve të shoqeve të mia, mendoj se ky është drejtimi i duhur. Është zgjedhja e duhur që ne të vazhdojmë punët përpara dhe të jemi të sigurtë që kudo që të shkojmë, të themi: Jam nga Tirana, nga Shqipëria,” iu drejtua Eneda të rinjve.
Ajo shtoi se jo vetëm ata që jetojnë sot në kryeqytet, por për këdo që vjen e sheh për herë të parë apo i rikthehet pas një kohe të gjatë Tiranës, ndryshimi është i dukshëm.
“Përpara kemi vazhdimin e një pune mjaft të bukur që ka nisur me vënien në krye të Bashkisë të Erion Veliajt. Kam shumë kolegë që kanë ardhur dhe kanë parë ndryshimet në Tiranë. Ka shumë artistë të cilët duan të vijnë ta vizitojnë, sepse kanë dëgjuar shumë për punën që bën kryetari i bashkisë,” tha Eneda.
