Virusi i mori jetën/ Zyrtar i Partisë Demokratike, kush ishte 32-vjeçari baba i një fëmije. Miqtë rrëqethin me dedikimet

Lajmi i trishtë që erdhi sot nga spitali “Shefqet Ndroqi” ishte se një 32-vjeçar nga Belshi kishte ndërruar jetë si pasojë e infektimit nga C OVID19.

Bëhet fjalë për Alban Hidrin, baba i një fëmije 2 vjeç.

I riu nuk vuante nga asnjë sëmundje bashkëshoqëruese dhe prej një jave ishte i intubuar.

Ndër të tjera, mësohet si i ndjeri ishte kryetar i grupseksionit të Partisë Demokratike në Rrasë.

Në një mesazh ngushëllimi në rrjetet sociale, miqtë e tij shkruajnë: Na hidhëroi pa masë lajmi për ndarjen e parakohshme nga jeta e Alban Hidrit, kryetarit të grupseksionit Rrasë. Një njeri i shkëlqyer që fatkeqësisht nuk ia doli dot në betejën me COVID-19. Energjia dhe pozitiviteti i Albanit do na mungojë të gjithëve, familjes së tij të dashur, miqve dhe kolegëve. U prehsh në paqe Alban.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern