Vendi i gjashtë në botë! Spanja legalizon eutanazinë

Spanja është bërë shteti i gjashtë në botë dhe i katërti në Evropë që lejon vdekjen e asistuar dhe eutanazinë, për të gjithë pacientët që vuajnë për kohë të gjatë nga sëmundje të pashërueshme dhe për ata që kanë dhimbje të papërballueshme.

Me  202 vota pro këtij vendimi dhe 140 kundër Dhoma e Ulët e parlamentit spanjoll ka miratuar vendimin në fjalë.

Po ashtu edhe ligjvënësit nga koalicioni qeverisës dhe partitë tjera, kanë mbështetur këtë propozim, por konservatorët dhe ligjvënësit e krahut të djathtë u shprehën se do ta kthejnë këtë vendim në të ardhmen.

I nisur tre vjet më parë, projektligji ka kaluar nëpër një mori komitetesh dhe në Senat.

Në mes të muajit qershor pritet që të nisë zbatimi i tij.

Eutanazia është një proces kur një mjek injekton ilaçin vdekjeprurës te pacienti, dhe është e lejueshme apo e sanksionuar nga gjykatat në Belgjikë, Kanada, Luksemburg, Kolumbi dhe Holandë.