“Treni u ndal në stacionin tim” Ditmir Bushati nxjerr FOTON domethënëse, nuk harron të ‘thumbojë’ Ramën

Sot është një ditë e shënuar për ish-ministrin e Jashtëm socialist Ditmir Bushati.

Ai feston 44-vjetorin e lindjes dhe ka ndarë me ndjekësit një foto ku detaji që bie më shumë në sy është torta.

Ëmbëlsira është  dizajnuar në formën e një treni ku Ditmir Bushati shihet të zbresë nga ky tren, një simbolikë që lidhet me aktualitetin politik dhe përjashtimin e Bushatit nga Partia Socialiste.

“Për ditëlindje, si surprizë një tren u ndal në stacionin tim #bestteamever”, shkruan Ditmir Bushati në mbishkrimin e fotos.

Kujtomë se kryeministri Rama teksa po komentonte lënien jashtë nga listat e PS-së të Ditmir Bushatit u shpreh: Ditmir Bushati, që ditën e parë u ndryshuar si drejtuës i Shkodrës ka zbritur nga treni dhe nuk është shfaqur me në asnjë aktivitet, në punët e PS. Ditmir Bushati ka disa mendime të tijat me të cilat unë nuk jam dakord, po këtu nuk ka asnjë problem. Nëse do të kishte punuar tokën do të ishte me shokët e vet. Dhe madje shumë nga ato që thotë nuk do i thoshte fare se aty ka qenë.