Tragjedi e gjallë/ Militantët nuk pyesin për moshën, u presin kokat fëmijëve

Save dhe Children’, agjensi ndihme për fëmijët, shkruan se në provincën Cabo Delgabo të Mozambikut militantët islamikë të ISIS-it po u presin kokat fëmijëve. Agjencia bazohet në deklaratën e një nëne e cila kishte parë djalin e saj 12-vjeçar ti pritej koka afër vendit ku ajo ishte fshehur me tre fëmijët e tjerë.

Rreth 2500 njerëz janë vrarë dhe 700 mijë të tjerë janë larguar nga shtëpitë e tyre që kur në 2017 nisi kryengritja islamike. Që nga ai moment e deri më sot militantët kanë premtuar besnikëri ndaj grupit të shtetit islamik ISIS.

Një nënë, tha se fëmijës së saj të madh i ishte prerë koka afër vendit ku ishte fshehur me fëmijët e tjerë.

“Atë natë fshati ynë u sulmua dhe shtëpitë u dogjën,” tha ajo.
“Kur filloi gjithçka, unë isha në shtëpi me katër fëmijët e mi. Ne u përpoqëm të shpëtonim në pyll, por ata morën djalin tim të madh dhe ia prenë kokën. Ne nuk mund të bënim asgjë sepse në të kundërt do ta pësonim njësoj.”