LIGJET E BIZNESIT
Ish-deputetja e Partisë Demokratike, Jorida Tabaku ka folur rreth fushatës për zgjedhjet e 25 prillit. Tabaku e ftuar në “Radar Informativ”, në ABC diskutoi për emrat e rinj që përfshihen në lista si edhe për programin e Partisë Demokratike.
Midis tjerave, Tabaku theksoi se PD ka pasur një process ku kishte shumë emra të rinj të cilët kaluan procesin e vlerësimit dhe sipas saj arritën deri në fund.
Ndërsa më tej ajo tha se çdo përdorim emir nuk e ndryshon fatin e kryeministrit Rama, ndërsa theksoi se sipas saj Partia Demokratike do të marrë në Tiranë, 20 mandate.
“Pasi dështoi me pandeminë dhe tërmetin mendon se me pak kozmetikë mund të kalojë situatë. Nuk ka asgjë që e shpëton Ramën. Çdo emër që të ketë mbrapa janë thjesht mbrojë.
Është po Rama ai që do të drejtojë fushatën e PS, situata e 8 viteve të fundit ku janë përdorur shumë emra, nuk kanë qenë zë i fuqishëm në vendimmarrje. Asnjë përdorim emrash nuk e eviton këtë fakt. PD është forca që nesër do të qeverisë.
Nëse tërhoqi PS dy emra, Lista e PD do të jetë një kombinimin i ekspertëve më të mirë, askush nuk do të jetë emër fasadë, por real dhe vendimmarrës. PD do të marrë në Tiranë 20 mandate. Pas 8 vitesh të thotë kryeministri s’kam program, është e turpshme. Kemi qenë shumë të kujdesshëm për të premtuar dhe angazhuar në gjëra që realisht do të bëhen”, tha më tej Tabaku.
