Sulmohet me gurë një nga zyrat elektorale të PS në Berat

Një nga zyrat elektorale të Partisë Socialiste në Berat është goditur me gur.

Dera, e zyrës që ndodhet në lagjen “30 Vjetori”, në anë të rrugës kryesore të qytetit është thyer, duke u qëlluar me gurë.

Thyerja është konstatuar rreth orës 07:30 të mëngjesit dhe menjëherë më pas është njoftuar policia.

Mësohet se policia është duke sekuestruar edhe kamerat e sigurisë të bizneseve përreth për të identifikuar edhe personin që ka goditur me gurë zyrën, ndërkohë që nga ana e drejtuesve të Partisë Socialiste të Beratit nuk ka ende asnjë reagim.