LIGJET E BIZNESIT
Ka vazhduar debati mes koordinatorit Kombëtar për Shëndetësinë në PD, Gazmend Koduzi dhe kreut të Urgjencës Kombëtare, Skënder Brataj.
Koduzi tha në studion e emisionit ‘Real Story’ në ‘News24’, se Ministria e Shëndetësisë ka fshehur numrin e vdekjeve nga COVID, ndërsa sipas tij raportohet se 20 % e vdekjeve në vendin tonë për 2020 kanë qenë nga COVID-i.
Në linjën e debatit Kudozi i ka thënë Bratajt se nuk merr vesh nga këto punë, ndërkohë që kreu i Urgjencës i është përgjigjur ashpër; “Injorancën tënde mos ma shit mua”.
PJESË NGA DEBATI
Koduzi: Llogaria nuk bëhet siç thoni ju. Llogaria bëhet ndryshe. Sipas të dhënave që
Brataj: Në Shqipëri ka të vdekur dhe nga infarkti, tumoret, covid. Eksesi i vdekjeve, janë 28 mijë të gjitha.
Koduzi: Nuk e di fare ti se s’merr vesh nga këto
Brataj: Injorancën tënde mos ma shit mua. Mos më thuaj mua nuk merr vesh.
Koduzi: Po s’merr vesh pra. S’je i kësaj fushe.
Brataj: Jo mos ma thuaj mua këtë. Se më the që nuk merr vesh.
Koduzi: Të kërkoj ndjesë. Numri i deklaruar i vdekjeve në 2020 ka qenë 1181. Sipas studimeve ndërkombëtare, 80 përqind kanë qenë pjesë e COVID dhe pjesa tjetër e sëmundjeve. Ne nuk e kemi 80 %, por e kemi 20 % . Është mashtruar me shifrat. Janë bërë pak teste. Kemi pasur raporte. Është analizë. Janë jetë njerëzish, nuk janë shifra. Nëse e shihni si shifra, puna juaj.
Brataj: Ju e dini se vdekja është pjesë e jetës
Koduzi: Po jo nga mungesa e shërbimit. I kemi mbajtur mbyllur spitalet me qëllim. Ku janë spitalet? Duhet të jenë gati kur do pacienti. Pacienti s’ka marrë shërbimin
Brataj: E kanë marrë shërbimin.
Koduzi: S’e ka marrë. Se edhe në raportimet e MSH, ka nisur raportimi në spitalet rajonale vetëm kur i ka hapur zyrtarisht. Thotë 3 spitale rajonale, por janë 11. Ku janë të tjerët. Kushedi se sa njerëz kanë vdekur në shtëpi se iu kanë ikur dritat dhe nuk kanë pasur oksigjen.
