Sikur të jetonim aty! Shteti i vogël evropian ku pothuajse co vid nuk ekziston

Është një shtet i vogël ishullor i cili jeton pothuajse sikur të mos ekzistonte fare COVID-19.

Nxënësit janë në bankat e tyre , kafenetë dhe restorantet janë të hapura e turistët gjithmonë të mirëpritur.

Bëhet fjalë për Islandën që falë programit të suksesshëm të testimit dhe vaksinimit, qeverisë transparente dhe qytetarëve të disiplinuar, ka arritur ta vërë nën kontroll pandeminë dhe t’i rikthehet rimëkëmbjes ekonomike.

Nga fillimi i pandemisë, në Islandë janë të regjistruar vetëm 29 të vdekur dhe 6.083 të infektuar me COVID-19. Sipas të dhënave të Agjencisë Evropiane për Parandalimin dhe Kontrollin e Sëmundjeve (ECDC), për 14-ën ditë numri i të infektuarve në 100 mijë banorë është vetëm 4.12, derisa përqindja mujore e rasteve të reja me coronavirus në Evropë sillet rreth 300. E përqindja e vdekjeve si pasojë e COVID-19 prej javësh është zero.

Ekzistojnë disa faktorë të rëndësishëm që kanë çuar në këtë drejtim, që Islanda kurrë nuk është detyruar t’i nënshtrohet masës së izolimit, kurse kufijtë e saj i ka hapur për turistëtnga mesi i qershorit të vitit të kaluar.

Ky shtet ishullor gjendet në pjesën veriore të Oqeanit Atlantik me një popullsi prej rreth 350 mijë banorë, dhe përparësitë natyrore konsiderohen si bonus kur bëhet fjalë për menaxhimin e pandemisë.