Si ka ndryshuar jeta e 30-vjeçarit/ Ra në gjendje kome pas tërmetit dhe u nis drejt Italisë

Marlin Shkodra ishte djaloshi i ri që thuajse doli pa jetë nga rrënojat e tërmetit të 26 nëntorit 2019, që mori jetën e 50 personave në Shqipëri.

Ai u nis në vendin fqinj me një helikopter sanitar për kurim më të specializuar. Në atë kohë ishte në gjendje kome dhe thuajse pa shpresë për jetën.

Por në 24 shkurt të vitit 2020, 3 muaj më pas, ai zbriti në aeroportin e Rinasit me këmbët e veta. E tani jeta e Marlin Shkodrës ka ndryshuar shumë.

I riu është takuar mëngjesin e ditës së sotme në maternitet, me ministren e Shëndetësisë, Ogerta Manastirliu. E kësaj radhe me një lajm të bukur, ai është bërë baba.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shkodra dhe bashkëshortja e tij sollën në jetë Mian, vajzën e tyre të parë.