Shifër alarmante viktimash në 24 orët e fundit, ulet numri i infektimeve

Në 24 orët e fundit janë shënuar shifra alarmante sa i përket numrit të viktimave nga Covid-19, pasi 20 pacientë nuk ia dolën të fitojnë betejën me koronavirusin.

Ka patur ulje të numrit të të infektuarve. 764 persona kanë rezultuar pozitivë në tetsin e koronavirusit.

Njoftimi i Ministrisë:

Gjatë ditës së sotme janë kryer 800 vaksinime antiCovid dhe që nga fillimi i vaksinimit janë kryer 14,295 vaksinime.

Situata e COVID19 në 24 orët e fundit është si vijon: Janë kryer 2714 testime, nga të cilat kanë rezultuar pozitivë 764 qytetarë.

Në 24 orët e fundit janë shëruar 640 qytetarë, duke e çuar numrin e të shëruarve në 70,413 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 659 pacientë, 43 në terapi intensive, nga të cilët 11 pacientë janë të intubuar.

Me gjithë përpjekjet e stafit mjekësor, 20 qytetarë e kanë humbur betejën me Covid-19.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes.