LIGJET E BIZNESIT
Mesditën e sotme Shqipëria ka pritur dozat e para të vaksinës ruse SPUTNIK V.
Bëhet fjalë për 10 mijë të tilla, të cilat kanë mbërritur në aeroportin “Nënë Tereza” në Rinas.
Vaksinat u pritën nga dy ministrat, ajo e Shëndetësisë Ogerta Manastirliu dhe ministri i Rindërtimit Arben Ahmetaj, të cilët u shprehën se këto sasi janë dhuratë nga Princi i Kurorës së Emirateve të Bashkuara, Muhammed Bin Zayed.
“10 mijë dozat e vaksinës Sputnik, donacion i Emirateve të Bashkuara Arabe tashmë kanë mbërritur dhe do të shtrijmë edhe më gjerë vaksinimin. Do të vijojmë të sigurojmë akoma më shumë vaksina, në mënyrë që sa më shpejt të jetë e mundur të fillojmë vaksinimin masiv të popullatës dhe të parapërgatitemi për të qenë më të lehtësuar edhe për turizmin”, deklaroi Manastirliu.
Ndërsa ministri Ahmetaj u shpreh: “Në emër të qeverisë shqiptare falenderojmë qeverinë e Emirateve dhe Princin e Kurorës së Emirateve të Bashkuara, Muhammed Bin Zayed. Na u gjendën me tërmetin, po gjenden edhe me Pandeminë”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Manastirliu nënvizoi se Komiteti i Imunizimit ka dhënë garancinë për përdorimin e vakinave.
“Komiteti i Iminizimit dhe gjithë strukturat të cilat merren me çertifikimin, sigurinë dhe efektivitetin e vaksinave tashmë kanë dhënë prej disa javësh garancinë për vaksinat, që ofrojnë siguri dhe efikasitet”, tha Manastirliu.
Ministrja e Shëndetësisë tha se procesi vaksinimit ka vijuar me ritme të shtuara edhe në fundjavë, ku deri tani janë vaksinuar mbi 11 mijë mësues. Që prej fillimit të vaksinimit janë kryer në total 46,515 doza të vaksinës ndaj C OVID19. Janë kryer 27,334 vaksinime për personelin shëndetësor dhe stafet mbështetëse, 7,753 vaksinime për të moshuar dhe 11,428 vaksinime për arsimtarët.
