Rama bën me dije largimin e Eglantina Gjermenit nga Partia Socialiste

Eglantina Gjermeni nuk do të jetë pjesë e listave të kandidatëve të Partisë Socialiste për zgjedhjet e 25 prillit.

Lajmin e bëri me dije. kryeministri Edi Rama. Nëpërmjet një statusi në rrjete sociale, ai falenderon Gjermenin që për 12 vite që kontribuoi në Partinë Socialiste.

“Mirënjohje gjithmonë në këtë Ditë të Gruas, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PS vlera e kontribute të reja dhe për 12 vjet rresht e përfaqësuan PS me dinjitet e profesionalizëm, në Kuvend e në Qeveri, Vasilika Hysi dhe Eglantina Gjermeni”, njofton Rama.