PS në prag të nisjes së fushatës tek sheshi “Skënderbej”/ Kandidatët ulen me listë

Pas pak minutash pritet që edhe Partia Socialiste të çelë fushatën elektorale për zgjedhjet e 25 prillit në sheshin “Skëndërbej”.

Kandidatët për deputetë të kësaj force politike kanë filluar që të grumbullohen dhe të ulen në karrige në hapësirën e sheshit me qëllim që të ruhet edhe distanca fizike, si masë për parandalimin e përhapjes së Covid-19.

Bëhet me dije se ulja dhe futja e kandidatëve për deputetë në vendin ku do të zhvillohet ceremonia e hapjes së fushatës bëhet duke thirrur emrat në pjesën e vetme të sheshit që është lënë për hyrje.

Po ashtu, mësohet se kryesuesit politikë të qarqeve do të mbajnë dhe fjalimet e tyre në podiumin e hapjes së fushatës.