Provokoi me foton për Kosovën/ Rama i përgjigjet Vuçiçit: Hartë leshi, shoku në Beograd loz me kukulla

Pasi presidenti i Serbisë Aleksandër Vuçiç nxori në rrjetet sociale një fotografi të Kosovës mbuluar me flamurin serb, ka ardhur dhe përgjigja e kryeministrit Edi Rama.

Ky i fundit e cilësoi imazhin provokues si një “hartë Leshi”.

I ndodhur ditën e sotme në Kukës ku ka nisur procesi i vaksinimit për bluzat e bardha, Rama premtoi se nëse Kosova do të mbetet pas me vaksinimin, Shqipëri do të vaksinojë 11 mjekët e tyre.

“Kjo ndodhi pas asaj hartës së leshit që nxorri ai shoku në Beograd që luan kuklla në Facebook. Ne jemi 1, për atë punojmë dhe ëndërrojmë të gjithë. Kemi ndryshime por kemi një rrugë. Jam i lumtur që kemi çarë bllokadën e pamundësisë për vaksinimin. Presim një sasi të konsiderueshme së shpejti dhe mjekët e Kosovës nuk do i lemë vetëm me shpresë që InshAllah në Kosovë do të venë vaksinat. Të 11 mijë bluzat e bardha të Kosovës do i bëjmë nëse Kosova nuk merr vaksinat”. -tha Rama.

Kujtojmë se kreu i shtetit serb, Aleksandër Vuçiç ka publikuar dy ditë më parë foton e hartës së Kosovës, ndërsa brenda është pikturuar flamuri i Serbisë. Kjo ka ngjallur reagime të shumta në Shqipëri dhe Kosovë dhe është konsideruar si një provokim.