“Prej kohësh ankohet pse nuk investon” Rama zbulon politikanin shqiptar që do ndërtojë aeroportin e Vlorës

Kryeministri Edi Rama ka dhënë lajmin se do të nisë puna për ndërtimin e aeroportit të Vlorës.

Ai ka zbuluar ndër të tjera se kjo do të realizohet nga kompania e politikanit të njohur shqiptar, miliarderit Behgjet Pacolli.

Në fjalën e tij para mediave sot kreu i qeverisë u shpreh se Pacolli i ankohet prej vitesh se nuk po arrin të investojë në Shqipëri.

“MË NË FUND GATI PËR KALENDARIN E PUNËS NË AEROPORTIN E RI NDËRKOMBËTAR TË VLORËS, shpallet kompania fituese”, shkruan Rama në rrjetin social.

Gjatë fjalës së tij kryeministri zbuloi më shumë detaje rreth projektit gjigant që pritet të finalizohet.

“Sot kemi fituesin, jam i lumtur se është një kompani e madhe, që ka flamurin shqiptar. Kompania e Behgjet Pacollit, prej kohësh më ankohet që pse nuk lë gjurmë dhe investon në Shqipëri. Duke pasur një partner si ai, kemi nderin ta vëmë para popullit dhe të jemi të cliruar para cdo pengese, dhe me marrëdhënien me kompanitë e huaja”, u shpreh ndër të tjera kryeministri.