Policia “mësyn” plazhin/ Festat e të rinjve dalin jashtë kontrollit

Festat kanë dalë totalisht jashtë kontrollit në Miami Beach të SHBA-sw. Autoritetet lokale shpallën gjendjen e emergjencës teksa vendosën në zbatim një shtetrrethim gjatë natës, duke i konsideruar turmat e të rinjve si më të mëdha nga ç’mund të përballojnë forcat e rendit.

Kryebashkiaku i Miami Beach Dan Gelber,  tha: “Nuk dëshirojmë të presim dhe më pas diçka e tmerrshme të ndodhë. Nuk kemi pse flasim me ju kur të gjitha zgjidhjet janë të dukshme, pasi nuk na ka mbetur ndonjë opsion tjetër. Po përpiqemi të bëjmë diçka tani për të shmangur më të keqen”.

Masat e reja për të luftuar përhapjen e koronavirusit nuk janë pritur mirë nga të rinjtë. Policia tha se ka arrestuar persona të shumtë që nga nisja e orarit të shtetrrethimit.

Një tjetër kufizim është dhe bllokimi i rrugëve kryesore për turistët nga ora 21:00, ndërsa aty do të lëvizin vetëm banorët lokalë.