LIGJET E BIZNESIT
Kryeministri Edi Rama i ka cilësuar takimet e Lulzim Bashës turp dhe papërgjegjshmëri për shkak të grumbullimeve.
“Mirë ma thotë dikush që ma çon këtë foto në whatsap: “Edi Rama dhe Partia Socialiste po bëjnë vaksinimin masiv, ndërsa Lulëzim Basha dhe Partia Demokratike po bëjnë infektimin masiv. #Turp #Papërgjegjshmëri #Rrumpallë me këta #ShqipëriaFitonInfektimin”, shkruan Rama në rrjetet sociale.
Por menjëherë pas kësaj deklarate ka reaguar PD:
#Turp është të lësh mijëra qytetarë pa çati mbi kokë për një vit e gjysmë.
#Papërgjegjshmëri është të mbash Shqipërinë në vendnumëro për 8 vite, ta largosh atë nga BE-ja dhe të mos u ofrosh asnjë të ardhme shqiptarëve.
#Rrumpallë është fushata e Ramës, që nuk ka asnjë arritje për të shpalosur, ndaj flet gjithë ditën për kundërshtarët.
