LIGJET E BIZNESIT
Kryebashkiaku i Ersekës, aktori i njohur Erion Isai nuk e ka fshehur kurrë dëshirën për të pasur një ceremoni madhështore martesore.
Dy vite më parë, ai shprehu dëshirën se ishte gati të bënte një dasmë me bashkëshorten e tij Ajlin Petrela për të celebruar dashurinë e tyre në mënyrën më të bukur.
“Do bëjmë dasmë. Kur kemi filluar të bashkëjetojmë Ajlina ishte në të njëjtën ide me mua që të mos bënim dasmë. Edhe ceremoninë e unazave e bëmë vetë me njëri-tjetrin. Pas lindjes së vajzës na lindi një dëshirë. Vera që vjen shpresoj të mos na sjell ndonjë angazhim që të bëjmë një dasmë”, tha Isai i cili është babai i një vajze.
Mirëpo për shkak të pandemisë planet e tyre u anuluan dhe sot në 10-vjetorin e lidhjes, bashkëshortja vendosi të surprizonte Isain në formën më të veçantë. Ditën e djeshme Erioni ishte njoftuar nga stafi i bashkisë që drejton se do të celebronte një çift dhe atëherë kur nuk e priste para tij u shfaq e veshur me fustan të bardhë nusërie partnerja, Ajlin Petrela. Kështu, më në fund ata të dy kanë arritur të realizojnë dasmën e tyre, për të cilën kishin shprehur dëshirën prej kohësh.
“10 vjet bashkë @ajlin_petrela . Fryma e dhjetë viteve, të ikura si stinë, më kanë sjellë në jetën time 3 vajzat e mia. . I bekuar, përkëdhelur, mbushur, plotësuar, e me plot dashuri.”, ka shkruar Erion Isai përkrah fotove të surprizës.
Erioni dhe Ajlin janë njohur bashkë gjatë kohës që studionin në Universitetin e Arteve dhe sot që kanë 10 vite të dashuruar janë edhe prindër të 2 vajzave, Ajër dhe E’dua.
View this post on Instagram
