Pak para fushate! Qëllohen me gurë xhamat e zyrave elektorale të dy subjekteve politike në Fier

Zyrat elektorale të dy subjekteve politike në Fier janë dëmtuar në orët e para të mëngjesit.

Sipas policisë rreth orës 03:00, në lagjen “1 Maj” Fier, në rrugën “Jani Bakalli” dhe pranë poliklinikës, nga ana e shërbimeve të Policisë së rendit, janë konstatuar të dëmtuara me gur dy xhama të zyrave elektorale të dy subjekteve politike.

Grupi hetimor po kryen veprimet për zbardhjen e rrethanave të ngjarjes dhe identifikimin e autorëve.

Kujtojmë se incidenti në Fier pasohet pas atyre në Elbasan, përplasjes së militantëve të PS e PD ditën e Verës si dhe sherrin e demokratit Luçiano Boçi me një biznesmen më pas.

Kur duhen edhe 4 ditë nisja zyrtare e fushatës, atmosfera është tashmë e ndezur dhe tensionuar.