“Nuk po e bëj për vete, por për të gjithë” Meta lëshon paralajmërimin e fortë: Përgjigja do jetë një popull i tërë

Pas incidenteve të fundit me Policinë Bashkiake, Presidenti Ilir Meta ka vijuar me tone të ashpra në konferencën që mbajti sot për shtyp.

Sipas tij kryeministri Edi Rama me bandat po mundohet të terrorizojnë vendin dhe paralajmëroi se përgjigja do të jetë një popull i tërë.

“Për tonet e presidentit mos u shqetësoni. Presidenti nuk ka dalë këtu për top model. Janë dy institucione garante.

Është Presidenti i Republikës dhe populli i Shqipërisë dhe përballë nesh është një bandë ndërkombëtare dhe një bandë lokale që ka marrë përsipër të pastrojë paratë e Ndraghetës. Sa herë ta ftoni presidentin në beteja aty do e keni.

Ilir Meta nuk po bën një betejë për veten e tij, po e bën për të gjithë. Presidenti do i dalë për zot Kushtetutës së Shqipërisë, gjakut të derdhur për demokraci, gjak i derdhur nga Hafzi Nela. Bijtë e xhelatëve që s’kanë kërkuar falje akoma, me këlyshët e Ndraghetës, me trafikantët, me horrat. Duan që të terrozizojnë popullin. Përgjigja do të jetë një popull i tërë ndaj horrave”,- tha Meta.