“Nuk kam ardhur për vota, por për të bërë histori” Rama drekë me peshkatarë në Durrës, i pranishëm dhe Gjergj Luca

Kryeministri Edi Rama ndodhet sot në Durrës, ku ka shkuar me qëllim që të inspektojë punimet e rindërtimit nga tërmeti i 26 nëntorit 2019.

Më pas ai është ulur për drekë me disa peshkatarë të qytetit bregdetar.

Ajo që bie në sy është se në tavolinë është i pranishëm dhe biznesmeni Gjergj Luca, i cili pak kohë më parë u përplas fizikisht me kandidatin për deputet të Partisë Demokratike, Luçiano Boçi.

Njëri prej peshkatarëve i ka kujtuar premtimin që i ka dhënë atyre se do ta bëjë Portin e Durrësit me të njëjtat standarte si ai i Vlorës.

“Nuk kam ardhë në Durrës për të marrë vota, por për të bërë histori. Mos u shqetësoni për Portin e Vlorës, më parë nuk ishin kushtet kjo është edhe arsyeja që projekti në Durrës nuk u finalizua. Ne kemi marrë fondin dhe tani jemi në rregull”, tha Rama.